د پاکستان موقت لومړي وزیر انور الحق کاکړ ویلي، هغه افغان کډوال چې د امریکا د ویزې ترلاسه کولو ته په تمه دي، له دغه هېواده د ناقانونه کډوالو د ایستلو په پروګرام کې شامل نه دي.
دخپریدو نیټه :پنجشنبه ۱۸ عقرب ۱۴۰۲ ساعت ۱۵:۴۷
د مطلب کود : 280103
افغان غږ خبری آژانس - کابل: د پاکستان لومړي وزیر تېره چهارشنبه د عقرب ۱۷ مه په یوه خبري ناسته کې وویل چې چارواکي به یوازې هغه پناه غوښتونکي چې په غیر قانوني توګه په هېواد کې اوسېږي، اخراج کړي.
هغه ټینګار وکړ چې ۱.۴ میلیونه افغان کډوال په پاکستان کې په «عزت او بشپړ امنیت» سره ژوند کوي.
کاکړ د غیرقانوني پناه غوښتونکو په اړه وویل، "دوی نشي کولی په پاکستان کې د تل لپاره ژوند وکړي."
دا په داسې حال کې ده چې پاکستان شاوخوا لس ورځې وړاندې له یو میلیون څخه د زیاتو افغان کډوالو د جبري ایستلو لړۍ پیل کړه.
avapress.net/vdcjyye8tuqeovz.b,fu.html
ټګونه
ډیری لیدل شوي
