په تهران کې د افغانستان د سفارت جګپوړي ديپلومات مفتي محمد عليم نوراني د آوا خبريال ته وويل چې د دوشنبې په ورځ (حوت ١٥) څخه د پنجشنبې تر ماښامه پورې د هغو افغان بنديانو شمېر چې له ايران څخه افغان حکومت ته سپارل شوي دي ۸۵۸ ته ورسېد. د نوراني په وینا، دوه ایرانۍ ښځینه بندیانې هم د پنجشنبې په ورځ ایراني چارواکو ته د ښه نیت او ښه ګاونډیتوب د نښې په توګه وسپارل شوې.
دخپریدو نیټه :جمعه ۱۹ حوت ۱۴۰۱ ساعت ۱۶:۵۳
د مطلب کود : 266729
افغان غږ خبری آژانس - تهران: هیواد ته د افغان بندیانو د سپارلو بهیر د دوشنبې په ورځ د حوت د میاشتې په ۱۵ نیټه پیل شوه.
د ۵۶۱ افغان بندیانو د لست له مخې چې ۱۴۰ یې د اصفهان ولایت، ۱۰۵ یې د کرمان ولایت، ۱۱۴ یې د یزد، ۱۰۶ یې د جنوبي خراسان ولایت، قین، بریجان او نابندان له ښارونو او ۹۶ نور بندیان دي. دوی د ایران د سیستان او بلوچستان ولایت د زابل، زاهدان او ایرانشهر له زندانونو څخه افغانستان ته لېږدول شوي او یا هم د لېږد په بهیر کې دي.
د افغانستان د بهرنیو چارو وزارت تېره اوونۍ اعلان وکړ چې په ایران کې په بند محکوم شوي افغانان څه موده وړاندې په تهران کې د لوی څارنوال او د ایراني چارواکو په مشرۍ د اسلامي امارت د پلاوي ترمنځ د شوې هوکړې له مخې بېرته راستانه شوي دي.
اسلامي امارت د ایران د اسلامي جمهوریت د دغه کار ستاینه وکړه او دا یې یو مثبت ګام وباله او ویې ویل، دا ډول اقدامات به د دواړو لورو ترمنځ اړیکې او همکارۍ لاپسې ژورې او پیاوړې کړي.
avapress.net/vdchi-niw23n-qd.yjt2.html
ټګونه
ډیری لیدل شوي
