کندوز کې ۵۶ وسله والو ته مرګژوبله اوښتی دی

د شاهین قول اردو پرون په یوه بیا کې وویل، چې تېره ورځ د کندز ولایت د دشت ارچي ولسوالی په مربوطاتو کې د امنیتي او دفاعي ځواکونو او وسله والو ترمنځ نښته رامنځته شوې، چې په پایله کې یې ۲۵ تنه وسله وال وژل شوي.
خبرپاڼه زیاتوي، چې په وژل شویو کې د وسله والو ډلمشران سخي الرحمن او قاري هجران هم شامل دي.
د ۲۰۹ شاهین قول اردو په وینا، په دغه نښته کې د طالبانو ۳۱ وسله وال ټپیان هم شوي دي چې پکې د ملا بصیر په ګډون یو شمېر جګپوړي ډلمشران هم شامل دي.
په خبرپاڼه کې دا هم راغلي چې د نښتې په ترڅ کې ملکي وګړو او امنیتي ځواکونو ته مرګ ژوبله نه ده اوښتې.