فراه کې یو امریکايي پوځي وژل شوی

امریکايي چارواکي وايي، د افغانستان په لویدیځ ولایت فراه کې ددوی یو پوځي وژل شوی دی. د امریکا د دفاع وزارت (پنټاګون) چارواکو د شنبې په شپه اعلان وکړ، چې د ټیکساس ایالت اوسېدونکی ۲۱ کلن امریکايي پوځی د جمعې په ورځ په فراه ولایت کې د موټر چلولو په پېښه کې مړ شوی دی. پنټاګون په دې اړه نور جزیات نه دي خپاره کړي چې دغه پوځي په جګړه ییز ماموریت کې وژل شوی که څرنګه؟ خو د پېښې په هکله د تحقیقاتو پیلولو خبر یې ورکړی دی.