د کونړ امنیتي چارواکي وايي؛ تېره شپه د پاکستان له خوا په دې ولایت ۲۳ راکټه لګیدلي دي.
د کونړ د امنیې قومندانۍ ویاند شیرولي صمیم ازادي راډیو ته وویل؛ د دې ۲۳ راکټونو له ډلې اوولس په دانګام ولسوالۍ لګیدلي چې درې تنه پکې ټپيان شوي او شپږ نور چې په خاص کنړ کې لګیدلي چاته یې تلفات نه دي اړولي.
د افغانستان د کورنیو چارو وزارت د معلوماتو له مخې په تېرو ۷۲ ساعتونو کې د کونړ په درېو ولسوالیو ۸۲ راکټه لګیدلي دي.
سرچينه : د صدای افغان خبری آژانس(آوا)
