د صنعت او سوداګرۍ وزارت د هېواد د صنعتکارانو ستونزی حلوي

افغان غږ خبری آژانس: د افغانستان د سوداګرۍ او صنایعو وزارت مطبوعاتي دفتر په یوه خبرپاڼه کې ویلي، چې د دغه وزارت سرپرست نورالدین عزیزي د افغانستان د سوداګرۍ خونې له رئیس شیرباز کمین زاده سره وکتل.

 

په دې کتنه کې چې د ولایتونو صنعتکارانو هم حضور درلود، خپلې ستونزې او ننګونې د صنایعو او سوداګرۍ وزارت له مشرتابه سره شریکې کړې او د ستونزو په هواري کې یې د دغه وزارت د همکارۍ غوښتنه وکړه.

 

له بلې خوا د صنايعو او سوداګرۍ وزارت سرپرست نورالدين عزيزي د ​​دوى د فعاليتونو ستونزې او ننګونې واورېدې او ويې ويل: يادې ستونزې دې وزارت ته په ليکلي ډول د حل په موخه ولېږل شي، تر څو يې د حل لارې چارې ولټول شي. 

 

د يادونې وړ ده، چې تر دې وړاندې هم د هېواد صنعتکارانو د ٢٤ ساعته برېښنا له نشتوالي او حکومت ته د زياتو مالياتو له ورکولو شکايت کړى و.