سیمه ییز چارواکي وايي، د هرات ولایت په زاول ولسوالۍ کې د ترافيکي پېښې له امله د یوې کورنۍ نهه غړي وژل شوي دي.
دخپریدو نیټه :پنجشنبه ۲۹ سنبله ۱۴۰۳ ساعت ۱۴:۳۹
د مطلب کود : 297096
افغان غږ خبری آژانس: د هرات د والي ویاند مفتي یوسف سعیدي پېښه تاییدوي او وايي، چې د دغه ولایت په زاول ولسوالۍ کې د یوې ترافیکي پېښې له امله د یوې کورنۍ نهه غړي وژل شوي دي.
هغه څرګنده کړه، پېښه هغه مهال رامنځته شوه، چې يو پاسو موټر له يوه ۵۸۰ ډوله موټر سره ټکر وکړ.
د هرات د والي وياند زياته کړه: لومړني رپوټونه ښيي چې زيات سرعت او د ترافيکي قوانينو نه مراعات د دغې پيښې احتمالي عوامل دي.
هرات په وروستیو کلونو کې د هېواد په لوېدیځ کې یو له هغو ولایتونو څخه دی چې تر ټولو زیاتې ترافيکي پېښې پکې رامنځته کېږي.
avapress.net/vdci3yarqt1a3u2.k6ct.html
ډیری لیدل شوي
