په باميانو کې د ترافيکي پيښې له امله ١٧ تنه ټپيان شول

افغان غږ خبری آژانس: د بامیان ولایت د امنیه قوماندانۍ مطبوعاتي دفتر په یوه خبرپاڼه کې ویلي چې نن له غرمې وروسته د بامیان ولایت د یکاولنګ ولسوالۍ په مربوطاتو کې د فلانکوچ ډوله یو مسافر وړونکي موټر له یوه بل موټر سره ټکر شوی دی په لاره کې چپه او چپه شو چې له امله یې د موټر ۱۷ تنه سپرلۍ ټپیان شوې دي.

 

په خبرپاڼه کې راغلي، چې دغه پېښه د یکاولنګ ولسوالۍ په کامرک کلي کې شوې ده. په ټپيانو کې د دريو تنو روغتيايي حالت هم نازک ښودل شوى دى.

 

د پېښې لامل د موټر چلوونکي ګړندیتوب او بې احتیاطي بلل شوې ده.

 

په دې وروستیو اونیو کې په دې ولایت کې څو نورې ترافیکي پېښې هم شوي دي.