د امریکا ځانګړي استازي د پاکستان د بهرنیو چارو له وزیر سره د افغانستان په اړه خبرې کړې دي

افغان غږ خبری آژانس: د پاکستان د بهرنیو چارو وزارت د پنجشنبې په شپه «قوس ۱۶» په یوه خبرپاڼه کې ویلي، چې دواړو لورو د بشریت د ودې او پرمختګ په برخه کې د ګډو لارو چارو پر اهمیت ټینګار کړی دی.

 

د دغه وزارت د خبرپاڼې له مخې، جیلاني ویلي، اسلام اباد له نړیوالې ټولنې سره په افغانستان کې د شته ننګونو د هواري لپاره پر خپلو ژمنو پابند دی.

 

تر دې مخکې د افغانستان په چارو کې د پاکستان ځانګړي استازي اصف دراني له لوېديځ سره د خپلې ليدنې اعلان کړى و.

 

دراني په ایکس ټولنیزه شبکه کې لیکلي چې په دې کتنه کې د افغانستان پر بېلابېلو مسایلو خبرې وشوې.

 

په ورته وخت کې ټام ویسټ د چهارشنبې په شپه اعلان وکړ چې د اګست په ۱۵مه به د پاکستان په ګډون څو هېوادونو ته خپل لس ورځنی سفر پیل کړي.

 

هغه وویل، د خپل سفر موخه یې له امریکايي همکارانو سره لیده کاته او د افغانستان پر سیاسي، امنیتي، اقتصادي او بشري مسایلو خبرې کول دي.