د امو سیند له نفتو څخه اوسنۍ استخراج د افغانستان د خلکو لس سلنه اړتیاوې پوره کوي

افغان غږ خبری آژانس - مزارشریف: د کانونو او پټرولیم وزارت ویاند همایون افغان د امو سیند د نفتو په ساحه کې د ۸ څاګانو د پرانیستلو په اړه د افغان غږ خبری آژانس خبریال ته وویل: په تیرو وختونو کې د نفتو ۹ څاګانې کیندل شوې دې. د سرپل ولایت په قشقري سیمه کې د ورځې د ۲۰۰ متر مکعب تیلو په استخراج سره پرانیستل شو چې د ۸ نویو څاګانو په پرانیستلو سره دغه شمیر ۱۷ څاګانو ته رسیدلی او په دې سیمه کې د ورځنیو تیلو د استخراج ظرفیت ۸۰۰ متر مکعب ته لوړ شوی دی.

هغه زیاته کړه: د افغانستان او چین ترمنځ د ۲۵ کلن تړون له مخې، د امو سیند د نفتو په ساحه کې د نفتو استخراج چینایي شرکتونه دي او د سرپل ولایت له قشقري حوزې څخه د نفتو د استخراج مسوولیت د افچین شرکت پر غاړه دی. 

ښاغلي افغان څرګنده کړه چې د چینايي شرکتونو له خوا د نفتو په استخراج کې افغان انجینران او کارګران زیاته ونډه لري او دا مهال د سرپل ولایت د قشغري د نفتو په ساحه کې څه باندې ۵۵۰ افغان انجینران او کارګران په کار بوخت دي چې دا شمېره به نوره هم زیاته شي. راتلونکې به وکړي.

ده وويل: د افغانستان دولت د سرپل ولايت د قشغري له سيمې څخه د نفتو د استخراج په عوايدو کې ١٥ سلنه ونډه لري او موږ هوډ لرو چې د دغه ولايت د خلکو د ستونزو د حل په خاطر بايد تېل په افغانستان کې دننه تصفيه شي.

هغه ومنله چې موږ په مزارشريف کې د نفتو د تصفيې شته فابريکې لرو چې د امو سیند د نفتو له ساحې څخه د استخراج په برخه کې له موږ سره همکاري کوي او له هېواد څخه د نفتو د صادراتو اجازه نه لري.

د کانونو او پټرولیم وزارت ویاند دې ته په اشارې سره چې د سرپل ولایت د قشقري له سیمې څخه د تېلو استخراج د افغانستان د خلکو د ورځنیو اړتیاو لس سلنه پوره کوي.