په کندز ولایت کې د اسلامي امارت امنیه قومانداني وایي چې د دغه ولایت امنیتي ځواکونو په تیرو شپږو میاشتو کې د افغانستان د ملي مقاومت د جبهې د غړو په ګډون ۶۶۰ تنه نیولي دي.
دخپریدو نیټه :يکشنبه ۲۸ عقرب ۱۴۰۲ ساعت ۱۰:۱۲
د مطلب کود : 280635
افغان غږ خبری آژانس - مزار شریف: د کندز ولایت د امنیې قومندانۍ د اسلامي امارت مسؤلین وايي چې د دغه ولایت امنیتي ځواکونو په تیرو شپږو میاشتو کې د «افغان ملي مقاومت جبهې» د غړو په ګډون ۶۶۰ تنه نیولي دي.
په کندز کې د اسلامي امارت د امنیې قومندانۍ ویاند جمعه الدین خاکسار نن په یوه خبري غونډه کې وویل چې دغه کسان د قتل، غلا، رشوت، اخلاقي فساد په ګډون په بیلابیلو جرمونو تورن دي.
د کندوز د امنيې قوماندانۍ وياند وايي، چې په دې موده کې يې د "افغان ملي مقاومت جبهې" درې غړي د ٢٤ ميله وسلو د کشف په تور نيولي دي.
خاکسار زياته کړه چې په دې موده کې له نيول شويو کسانو څخه ٣٣٢٨٥ ګرامه هيرويين، شيشه، چرس او ترياک ترلاسه شوي دي.
avapress.net/vdcjtye8iuqeomz.b,fu.html
ټګونه
ډیری لیدل شوي
