د جوماتونو ملایان او امامان باید د نورو رسمي دندو له ترسره کولو ډډه وکړي

افغان غږ خبری آژانس - کابل: د ارشاد، حج او اوقافو وزارت مطبوعاتي دفتر نن چهارشنبه (۱ سنبله) په دې اړه یوه خبرپاڼه خپره کړې او ویلي یې دي، چې د دغه وزارت سرپرست مولوي نور محمد ثاقب په یوه خبرپاڼه کې په هغه غونډه کې چې په همدې موخه په وزارت کې جوړه شوې وه وویل چې په جوماتونو کې یو لړ ستونزې شته چې باید حل شي.
 
هغه وويل، د ارشاد، حج او اوقافو په وزارت کې ديني عالمان راټول شوي، چې په مشوره، ګډو هڅو او پوره همغږۍ سره مسايل وڅېړي او د هېواد د ابادۍ لپاره ګټورې پرېکړې وکړي.
 
په دې کتنه کې هغه ټینګار وکړ چې د امامانو لپاره دې د وزارت له خوا نصاب جوړ شي، په جوماتونو کې دې د هېواد د بچیانو لپاره د مطالعې ډلې دې یقیني شي، د امامانو پر حاضري دې محدودیت ولګول شي، امام باید یوازې د امامت وظیفه ولري. د نورو رسمي دندو ترسره کولو څخه ډډه وکړئ.
 
په دې غونډه کې د ارشاد، حج او اوقافو وزارت د رهبرۍ شورا غړو د یادو موضوعاتو په اړه نظریات او وړاندیزونه وړاندې کړل او پرېکړه وشوه، چې د یادو موضوعاتو د عملي کولو په موخه دې یوه پنځه کسیزه مشورتي او مسلکي کمیټه جوړه شي.