د نجونو پر مخ د ښوونځیو او پوهنتونونو د دروازو پرانیستل د خپلواکۍ اصلي معنا ده

افغان غږ خبری آژانس - کابل: پخواني ولسمشر حامد کرزي د هېواد د خپلواکۍ د بېرته ترلاسه کولو د بېرته اخيستو د سلمې کليزې په مناسبت په يوه پيغام کې له اسلامي امارت څخه وغوښتل چې د نجونو پر مخ د ښوونځيو او پوهنتونونو دروازې پرانيزي، ترڅو هېواد خپلواکي "په ریښتیني معنی" لري
 
ښاغلي کرزي په خپل پیغام کې ټینګار کړی، چې په ټول هېواد کې سوله او ثبات، پرمختګ او د نورو له اړتیا څخه خلاصون د علم له لاسته راوړلو پرته ناشونی دی.
 
هغه زیاته کړه چې د ګران هیواد له ټولو خلکو څخه هیله کوم چې په دې تاریخي ورځ د خپلو بچیانو، نجونو او هلکانو د تعلیم په برخه کې هیڅ ډول هڅې ونه سپموي، زه یو ځل بیا له سرپرست حکومت (اسلامي امارت) څخه غوښتنه کوم چې د ښوونځیو دروازې ورته پرانیزي. ژر تر ژره د نجونو لپاره پوهنتونونه پرانیزئ او په ټول هیواد کې د هرچا لپاره د زده کړې زمینه برابره کړئ، ترڅو موږ د نورو له اړتیاو څخه د ځان په خلاصولو سره په ریښتینې توګه د خپلواکۍ او د هیواد خاوندان شو.
 
پخواني ولسمشر دغه راز زیاته کړه، د ملي یووالي او همغږي په ټینګښت او د بین الافغاني مذاکراتو په ژر پیلولو سره به له شته ستونزو څخه د وتلو او په هېواد کې د سولې او ثبات رامنځته کېدل ممکن وي.