په خوست ولايت کې له طبيعي پېښو سره د مبارزې رياست سيمه ييزې سرچينې وايي، چې په دغه ولايت کې سېلابونو د يوې کورنۍ پنځه غړي وژلي دي.
دخپریدو نیټه :شنبه ۷ اسد ۱۴۰۲ ساعت ۱۴:۲۲
د مطلب کود : 273974
افغان غږ خبری آژانس - کابل: د خوست ولایت د طبیعي پېښو پر وړاندې د مبارزې رئیس دوست محمد هلال وايي، سیلابونو د یوې کورنۍ پنځه غړي چې په موټر کې سپاره وو، وژلي دي.
د هلال په وينا، دا پېښه د جمعې په ورځ د اسد په شپږمه د خوست په اسماعيل خېلو او مندوزيو ولسواليو کې رامنځته شوې او په قربانيانو کې يې پلار، مور او درې ماشومان شامل دي.
دا په داسې حال کې ده، چې په تېرو څو ورځو کې په هېواد کې وژونکو سېلابونو لسګونه کسان وژلي او د استوګنې سلګونه کورونه يې نړولي دي.
avapress.com/vdchqxnik23nqwd.yjt2.html
ټګونه
ډیری لیدل شوي
