پخواني افغان ولسمشر حامد کرزي په کابل کې د ایران له سفیر سره وکتل

افغان غږ خبری آژانس - کابل: د افغانستان پخوانی ولسمشر حامد کرزي په خپله فیسبوک پاڼه لیکلي چې د افغانستان لپاره د ایران د اسلامي جمهوریت له سفیر او ځانګړي استازي ښاغلي حسن کاظمي قمي سره یې وکتل.
 
ښاغلي کرزي په دې کتنه کې د افغانستان او سیمې پر روانو حالاتو د بحث او د نظر تبادلې تر څنګ د ایران له اسلامي جمهوریت څخه مننه وکړه چې په تیرو کلونو کې یې د میلیونونو افغان مهاجرینو د ښه راغلاست او د تعلیم او تربیې د زمینې په برابرولو کې مرسته کړې ده.
 
ښاغلي کرزي همداراز د افغان هلکانو او نجونو د زده کړې د ډګر د پراخولو په برخه کې د ایران د اسلامي جمهوریت د همکاریو د دوام غوښتنه وکړه.