د هېواد د کرکټ د ملي لوبډلې لوبغاړي د بنګله دېش له لوبډلې سره د درېيو يو ورځنيو لوبو د ترسره کولو په موخه پرون دغه هېواد ته ورسېدل.
دخپریدو نیټه :يکشنبه ۱۱ سرطان ۱۴۰۲ ساعت ۱۳:۵۰
د مطلب کود : 272612
افغان غږ خبری آژانس: د افغانستان د کرکټ ملي لوبډله پرون یکشنبه د سرطان په ۱۰ مه له متحده عربي اماراتو څخه بنګله دېش ته ورسېده.
د افغانستان او بنګله دېش د کرکټ ملي لوبډلې په درېیو یو ورځنیو لوبو کې له یو بل سره مخامخ کېږي.
د دواړو لوبډلو ترمنځ به لومړۍ لوبه د روانې اونۍ د چهارشنبې په ورځ ترسره شي.
د افغانستان کرکټ بورډ په خپله خبرپاڼه کې له بنګله دېش سره د مخامخ کېدو لپاره د ملي لوبډلې چمتووالی اعلان کړی دی.
د یادولو وړ ده چې د افغانستان د کرکټ ملي لوبډله د بنګله دیش د لوبډلې پر وړاندې د سیالۍ د پیل نه مخکې د تمریناتو په حال کې ده.
avapress.net/vdcfy0d00w6deva.,ziw.html
ټګونه
ډیری لیدل شوي
