د افغانستان د ځوانانو د فوټبال ملي لوبډله د اسیا د ملتونو په جام کې د ۴۴ هېوادونو په منځ کې لسم ځای لري

افغان غږ خبری آژانس: که څه هم افغانستان ونه شو کړای چې د اسيايي هېوادونو د ځوانانو (۱۷ کلنو) جام سیالیو له ګروپي پړاو څخه تېر شي، خو د قطر پر وړاندې په بریا سره یې د اسیا د ۴۴ لوبډلو په منځ کې لسم ځاي خپل کړ.
 
د دری راډيو د خبر له مخې، په هغو ټيمونو کې چې په دې کې پاتې راغلي چې بل پړاو ته لاړ شي، يوازې ماليزيا له افغانستان څخه د ٣ ګولونو په توپير سره د افغانستان څخه لوړ شوي د افغانستان د ګول توپير منفي ٨ وو.
 
لسم مقام به له افغانستان سره مرسته وکړي چې د اسیا د ۱۷ کلنو په کوالیفایر کې لوړ مقام خپل کړي او په دې توګه به له آسانو مخالفینو سره مخامخ شي.
 
افغانستان چې د لومړي ځل لپاره دغو سیالیو ته داخل شو، د ایران اسلامي جمهوریت، جنوبي کوریا او قطر په شتون سره په یو سخت ګروپ و. دغې لوبډلې خپلې لومړۍ دوه لوبې له ایران او جنوبي کوریا سره د ۶-۱ او ۴-۰ په پایلې سره بایللې وې، خو په خپله دریمه لوبه کې یې د فوټبال د نړیوالې ټولنې کوربه قطر ته د ۲-۱ په توپیر ماتې ورکړه. په دې لوبه کې د افغانستان لپاره دواړه ګولونه حبیب الله هوتک او د قطر لپاره یو ګول خالد عتیق بن الشهابی وواهه.
 
افغانستان د قطر ملي لوبډلې ته په داسې حال کې ماتې ورکړه چې دغه ټیم له ایران سره مساوي کړي وو.