اسلامي امارت قومي تبعیض حرام ګني

افغان غږ خبری آژانس - کابل: د اسلامی امارت د رئیس الوزرا دفتر د یوې خبرپاڼې په خپرولو سره ویلی چې د رئیس الوزرا د دفتر سیاسی مرستیال مولوی عبدالکبیر د شیعه شخصیت استاد محمد اکبری سره وکتل.
 
د جمهور آژانس د خبر له مخې محمد اکبري ایران او عراق ته د شیعه عالمانو د یوه پلاوي د سفر په اړه معلومات ورکړل او ویې ویل، چې موږ د عراقي او ایراني شیعه چارواکو او دیني عالمانو اندېښنو ته ځواب ووایه او ډاډ یې ورکړ، چې اسلامي امارت به له شیعه ګانو سره چلند وکړي. هیوادوال دوی ښه دي او موږ ترې راضي یو.
 
اکبري په هېواد کې دننه د شیعه ګانو د ستونزو د هواري لپاره د اسلامي امارت د مسؤلینو عاجل اقداماتو ته په اشارې سره زیاته کړه، موږ د دغو اقداماتو قدرداني کوو او د چارو د لا ښه والي په موخه یې خپل وړاندیزونه او مشورې شریکوو.
 
دوزيرانو شورا سياسي مرستيال مولوي عبدالکبير هم زياته کړه چې اسلامي امارت دټولو هېوادوالو خدمت کول خپل مسووليت ګڼي او دټولو قومونو او مذهبونو د وړانديزونو او مشورو قدرداني کوي تر څو د حالاتو د ښه والي په موخه هر څومره چې ممکنه وي.
 
مولوي عبدالکبیر زیاته کړه، اسلامي امارت له خپلو ټولو ګاونډیانو سره د متقابل احترام پر بنسټ د ښو اړیکو غوښتونکی دی، قومي تبعیض حرام ګڼي او د شیعه او سني هېوادوالو ترمنځ توپیر نه کوي.