دخپریدو نیټه :شنبه ۲۹ دلو ۱۴۰۱ ساعت ۱۳:۳۷
د مطلب کود : 265658
اوچا: په افغانستان کې ۱۴ میلیونه وګړو ته د پاکو اوبو د برابرولو لپاره ۴۷۹ میلیونه ډالرو ته اړتیا ده
د ملګرو ملتونو د بشري مرستو دفتر (OCHA) وايي، په افغانستان کې ۱۴ میلیونه وګړو ته د پاکو اوبو رسولو لپاره ۴۷۹ میلیونه ډالرو ته اړتیا ده او په ۲۰۲۲ کال کې د څښاک پاکو اوبو ته د کورنیو اړتیا ۷ سلنه زیاته شوې ده.
افغان غږ خبری آژانس - کابل: نن (شنبه، دلوې ۲۹) دغه دفتر په خپله فیسبوک پاڼه لیکلي چې افغانستان د پرله پسې وچکالیو له امله سخت ځپل شوی دی.
 
د اوچا په وینا، د ۲۰۲۲ کال وچکالۍ د څښاک پاکو اوبو ته د اړتیا وړ کورنیو شمېر اووه سلنه زیات کړی او ۱۲ سلنه کورنۍ پاکو اوبو ته د لاسرسي له ستونزو سره مخ دي.
 
دغه بنسټ زیاته کړه: "۱۴ میلیونه وګړو ته د څښاک د پاکو اوبو د برابرولو او د ناروغیو د مخنیوي لپاره ۴۷۹ میلیونه ډالرو ته اړتیا ده."
 
په روان اوړي کې یو شمېر ولایتونه د څښاک د اوبو له سخت کمښت سره مخ وو.
 
دغه راز په ځينو ولايتونو کې د ناپاکو اوبو کارول په خلکو کې د بېلابېلو ناروغيو د خپرېدو لامل شوي دي.
https://avapress.com/vdchmmni623n--d.yjt2.html
تبصره پوسټ کړئ
ستاسو نوم
ستاسو دبرېښنا ليک پته