د "قشقري" د نفتو د استخراج چارې چین ته وسپارل شوې

افغان غږ خبری آژانس - کابل: د مالیې وزارت د اعلامیې پر بنسټ، دغه قرارداد د دوشنبې په ورځ (اسد ۱۰) د اسلامي امارت د مالیې وزیر او د چینایي شرکت "Exos" د مشر ترمنځ لاسلیک شو.
 
خبرپاڼه زياته کړي چې د دغه چينايي شرکت له خوا د افغانستان د نفتو او ګازو د دولتي شرکت په ٢٠ سلنه ونډې سره د قشقري-سرپل د نفتو او ګازو د استخراج کار ډېر ژر پيلېږي.
 
چین یو له هغو هېوادونو څخه دی چې په افغانستان کې د اسلامي امارت له واکمنۍ وروسته یې په افغانستان کې پانګونې ته زیاته لېوالتیا ښودلې ده.
 
تر دې مخکې د اسلامي امارت لومړي مرستیال ملا برادر په مشرۍ د یوه لوړ پوړي پلاوي په مشرۍ سرپل چاه ولایت ته د سفر په ترڅ کې د قشغري د نفتو تصفیه شوې وه.
 
د اسلامي امارت د کانونو وزیر دلاور هم د قشقري کان د پرانیستې په مراسمو کې وویل چې د دې نفتي څاه څخه ترلاسه شوي عایدات به د افغانستان په بیارغونه کې ولګول شي او زیاته برخه به یې سرپل ولایت ته ځانګړې شي.
 
د سرپل او فارياب ولايتونه د قشقري، بازار قمي او زمردساي په نوم د نفتو درې څاګانې لري، چې د رسمي شمېرو له مخې په دې سيمه کې د استخراجي زېرمو اندازه ٨٧ ميليونه بېرله اټکل شوې ده.
 
د نفتو دغه کان ۱۰ څاګانې لري، چې په منځنۍ توګه هره ورځ ۱۴ میلیونه افغانۍ عاید لري.