د ماشومانو د ساتنې بنسټ د لوږې له بحران سره د مبارزې غوښتنه وکړه

افغان غږ خبری آژانس، د ماشومانو د ساتنې د نړیوال سازمان مشرې ګاریلا وایجمن پرون جمعه (سرطان ۳) له دغو هېوادونو وغوښتل چې په راتلونکې غونډه کې د نړیوالې لوږې د ننګونې په اړه خبرې وکړي.
 
وایجمن زیاته کړه: "نړۍ د ۲۱ پیړۍ د لوږې ترټولو لوی نړیوال ناورین سره مخ ده." د ماشومانو لوږه او خوارځواکي مخ په زیاتیدو ده، او په میلیونونو کورنۍ د خپلو ماشومانو لپاره د کافي غذايي موادو د برابرولو لپاره مبارزه کوي."
 
هغي ددي یادونه هم وکړه چې د اوکراین کړکیچ نړیواله لوږه لا پسې زیاته کړې، چي د خوراکي توکو کمښت او د بیو لوړیدو لامل شوي دي.
 
د ماشومانو د ساتنې بنسټ په جي ۷ هبوادونو باندې غږ کړی چې په سمدستي او جدي توګه د نړۍ د خوارځواکۍ سره مبارزه وکړي، او د نړۍ ترټولو زیان منونکي ماشومانو او میرمنو سره د مرستې لپاره د سمدستي او اساسي دریځ وکړي او د څو ملیارد ډالرو مرستې کڅوړې ته ژمن شي.
 
د یادوني وړ ده، چي پر اوکراین د روسیې له یرغل سره نړۍ د لوږې له خورا سخت بحران سره مخ ده.