دحزب الله توغندیو صهیونیسټ رژیم ویرولی دی

افغان غږ خبری آژانس، صهیونیسټ رژیم په خپلو امنیتی ارزونو کښې دې نتیجې ته رسیدلی دی چې د حزب الله  څه دپاسه سل زره بیلابیل توغندی لری. دغه ډله کولای شي چې هره ورځ شاوخوا ۱۵۰۰ راکټونه په اشغال شوي فلسطین وتوغوي چې هره ورځ شاوخوا ۳۰۰ صهیونیسټان او وسله وال ووژني.
 
"د څو کلونو راهیسې، د اسراییلو کلنی امنیتي راپور ټینګار کوي چې ایران د هغو ګوندونو د لیست په سر کې دی چې نیواکګر رژیم تهدیدوي او د هغه شتون ته ګواښ پېښوي." د لبنان حزب الله هم په دویمه درجه کې دی، او اسراییل د تل آویو لپاره خطرناک ستراتیژیک ګواښ ګڼي. د اسراییلو د ارزونې له مخې د مقاومت ډلې او په ځانګړې توګه د حماس غورځنګ د نیواکګر رژیم پر وړاندې د ګواښونو په لست کې دریم ځای لري.
 
د نیواکګر رژیم له خوا د یوې میاشتې اوږد تمرین له پای ته رسیدو وروسته، رژیم د لبنان د حزب الله د میزایلو وړتیاو په اړه اندیښنه لري چې کیدای شي په راتلونکې جګړه کې وکاروي.
 
د عبراني ژبې ورځپاڼې معاریو په یوه راپور کې ټینګار شوی چې د حزب الله د توغندیو ویجاړونکي خطرونه د اسرائیلو د داخلي جبهې پر وړاندې په هر ډول احتمالي مقابله کې زیات شوي دي او اټکلونه ښيي چې د لبنان د دوهمې جګړې په درشل کې حزب الله څه باندې ۱۵ زره توغندي توغولي دي.

د ورځپاڼې په وینا، د حزب الله له ځمکې څخه ځمکې ته ویشتونکي اکثره توغندي د روسیې جوړ کاتیوشا توغندي دي.