فراه کې د واټ تهڅېرمه یوه ځای پرځای شوي ماین چاودنه کې د شپږو ولسي وګړو په ګډون اته تنه وژل شوي دي.
دخپریدو نیټه :يکشنبه ۱۰ سنبله ۱۳۹۸ ساعت ۱۶:۴۴
د مطلب کود : 190860
د فراه د امنیه قومندانۍ ویاند محبالله محب وايي چې په وژل شویو کې ښځې او ماشومان هم شامل دي.
محب زیاتوي چې دا پېښه نن (یکشنبې د وږي په ۱۰مه) د فراه ولایت په انار دره ولسوالۍ کې شوې ده.
د هغه په وینا، چې د دغې ولسوالۍ د امنیه قومندان دوه ساتونکي هم په دغې چاودنه کې وژل شوي دي.
د فراه د امنیه قومندانۍ ویاند وايي چې دا ماین په تازهګۍ سره د طالبانو له خوا د اناردرې ولسوالۍ د عمومي واټ تهڅېرمه خښ کړل شوی و.
خو طالبانو بیا په دې اړه څه نه دي ویلي.
سرچينه : د صدای افغان خبری آژانس(آوا)
avapress.net/vdcjmyevyuqehoz.b,fu.html
ټګونه
ډیری لیدل شوي
