کابل کې علماوو شورا مشر د وژل کیدو په وړاندی ولسمشر اشرف غنی غبرګون

 له ارګه په خپره شوې خبرپاڼه کې راغلي، چې ولسمشر محمد اشرف غني هغه ترهګریز برید په سختو ټکو غندي چې په پایله کې یې د کابل د علماو شورا رئیس مولوي عبدالبصیر حقاني شهید شو.
ولسمشر غني وویل”ترهګر پر علمای کرامو، قاریانو، دیني او اسلامي محافلو د بریدونو په ترسره کولوسره ښیي چې عملاً د دیني او اسلامي ارزښتونو مبلغینوسره په جنګ کې دي. “
د ارګ ماڼی له مخې، جمهور رئیس اړوندو امنیتي مسوولینو ته د برید د عاملینو د تشخیص او د قانون منګولو ته د سپارلو دستور ورکړ وې ویل، د افغانستان دښمنان پر علمای کرامو او د وطن پر خدمتګارو شخصیتونو د بریدونو له لارې د جنګ پر ختېمدو او سولې ته پر رسېدو زموږ د خلکو په ځانګړي ډول د علماو اراده نشي کمزوری کولی.
تر اوسه کوم چا یا ډله پر مولوي حقاني د برید مسئولیت په غاړه نه دی اخیستی.
امنیتي چارواکي او د علماو شورا سرچینې وایي، مولوي حقاني پرون د کابل ښار د اوومې امنیتې حوزې په مربوطاتو کې د ناڅرګندو وسله والو په برید کې ووژل شو.