د افغانستان د فوټبال غوره لیګ سیالیو پایلوبه پرون ماښام د طوفان هریرود او شاهین آسمایي لوبډلو ترمنځ ترسره شوه چې په پایله کې یې د طوفان هریرود دغه لوبه د ۱-۰ ګول په توپیر وګټله او د سیالیو اتلولي یې خپله کړه.
دخپریدو نیټه :جمعه ۴ عقرب ۱۳۹۷ ساعت ۱۹:۱۹
د مطلب کود : 173112
د پایلولې لومړی نیمایي پرته له کوم ګول پای ته رسېده او په دویمه نیمایي هم هېڅ لوبډله ونتوانېده چې کوم ګول وکړي، له همدې امله یې لوبه اضافي وخت ته ولاړه.
خو د لوبې په ۱۰۲مه دقیقه کې د طوفان هریرود لوبغاړي رحمت الله خیرخواه ګول وکړ او خپله لوبډله یې مخته کړه.
په ځواب کې د شاهین آسمایي لوبډله ونتوانېده چې په اضافي وخت کې یې کوم ګول وکړي او له دې سره یې د طوفان هریرود لوبډلې د غوره سیالیو پایلوبه وګټله.
دا دویم ځل دی چې د طوفان هریرود لوبډلې د افغانسان د فوټبال غوره لیګ سیالیو اتلولي ګټي خو د شاهین آسمایي لوبډلې تر اوسه څلور ځله د غوره لیګ سیالیو اتلولي ګټلې ده.
avapress.net/vdca6en6u49n061.hxk4.html
ټګونه
ډیری لیدل شوي
مربوطه لیکنې
[۷ حمل ۱۳۹۷] 
[۱۹ سرطان ۱۳۹۱] 
[۱۹ قوس ۱۳۹۷] 
[۶ جدی ۱۳۹۴] 
[۲۱ سنبله ۱۳۹۲] 
