افغانستان فوټبال ملي لوبډله کمبودیا ته ۲-۱ ماتې ورکړه

دغه لوبه چې د تاجکستان په کوربه توب ترسره شوی وه، افغان لوبډله وتوانېد چې د لوبې لومړی نیمایي ۲-۰ په خپل ګټه پای ته ورسوي.
افغان لوبغاړه جبار شارزه وتوانید چې د افغانستان لپاره لومړنی ګول د لومړی نیمایي په ۲۶ مه دقیقه ووهي.
نومړی د لوبې په لومړی نیمایي کې د افغانستان لپاره دوهمه ګول په ۴۵ مه دقیقه کې وواهه.
د کمبودیا ملي لوبډله وتوانید چې د افغانستان پر وړاندې لومړنی ګول د دوهمې نیمایي په ۶۹ مه دقیقه کې ووهي.
دا په داسې حال کې ده چې د افغانستان فوټبال د ملي لوبډلې لوبډلمشر فیصل شایسته پرون دوشنبه وویل، چې افغان لوبډله د کمبودیا په وړاندې لوبې ته پوره چمتووالی لري.
نومړی په یوه خبرې کنفرانس کې د وینا پر مهال وویل، چې دغه لوبه به د افغانانو لپاه ښه زېری ولري.
د ننی ورځې په بریا سره هم د افغانستان فوټبال ملي لوبډله اسیايي لوبو ته لاره نه‎شي موندلی ځکه له مخکېنیو سیالیو یې مطلوبه نتیجه نه‎ده ترلاسه کړې.