اقینې، حیراتان او شیرخان بندرونه به نن د سوداګریزو مالونو پر مخ خلاص شی

د دې خونې ویاند صیام الدین پسرلي په دی اړه وایی چې دغه درې سوداګریز بندرونه له تېرو شلو ورځو راهیسې د مظاهره کوونکو له لوري تړل شوي وو چې دواړو خواوو ته يې د افغان سوداګرو په سوداګریزو مالونو بار زرګونه لارۍ ولاړې پاتې وې.
نوموړی وايي چې په دې موده کې په افغانستان کې نه یوازې د د نفتي موادو په بیو کې په بې ساري ډول زیاتوالی راغی، بلکې د دغو بندرونو د تړلو له امله افغان سوداګرو ته میلیونونه ډالره زیان هم واوښت.
ښاغلي پسرلي وویل چې که نن دغه لارې د سوداګریزو مالونو پرمخ خلاصې شي، نو په دې هېواد کې به د تېلو او ګازو په بیو کې ټیټوالی رامنځته شي، ځکه په وینا يې چې تېل او ګاز له همدې لارو افغانستان ته را واردېږي.
د افغانستان د سوداګرۍ خونې مسؤلین له ټولو افغانانو غواړي چې سیاسي مسایل باید د دې لامل نه شي چې زیان سوداګرو او ولسي خلکو ته ورسېږي.