جنرال عبدالرازق پر کور باندی برید

ځایي امنیتي سرچینې وایي، پیښه تیر ماښام شاوخا اووه نیمې بجې رامنځته شوې ده او په ترڅ کې درې تنه ځانمرګي او دوه پولیس سرتېري وژل شوي.
سرچینې زیاتوي، چې لومړی یوه ځانمرګي بریدګر د جنرال عبدالرازق کور ته څېرمه خپل چاودېدونکو توکو ته چاودنه ورکړه.
د سرچېنو په وینا، د چاودنې په پایله کې د امنیتي ځواکونو او بریدګرو ترمنځ د نښتې په ترڅ کې دوه ځانمرګي او دوه پولیس سرتېری ووژل شول.
تر اوسه کوم چا یا ډله د برید مسئولیت په غاړه نه دی اخیستی.
کندهار د افغانستان د نا ارامو ولايتونو له ډلې څخه دی چې په دې وروستيو کې نا ارامو پکې لږ نور زور هم اخيستی دی .