د فلسطین او بیت المقدس د خلکو دفاع؛ یوه بیلګه یې دیني او اسلامي دنده ترسره کول دي

فلسطین او بیت المقدس د اسلامي نړۍ اصلي ستونزه ده، ځکه ټول مسلمانان تر یوه بیرغ لاندې؛ دوی د خالص اسلام محمد (ص) په نوم ژوند کوي، د اړتیا له مخې له خپلو مقدساتو او دیني ارزښتونو څخه په هره ممکنه توګه دفاع کوي، هرڅوک پوهیږي چې د غزې د بې ګناه مسلمانانو پر وړاندې د اسرائیلو وروستي جنایتونه یوه انساني تراژیدي ده.

 

ټوله نړۍ شاهده ده چې د غزې او فلسطین ولس تر ټولو مظلوم ولس دی. د ظالمانو په شتون کې انسانیت وجود نه لري او په بشپړه توګه مړ دی. اسلام وايي: «باید د مظلوم دفاع وکړو او د ظالم پر وړاندې ودریږو او پرې نه ږدو چې د هیچا حق تر پښو لاندې شي.» دا هغه درس دی چې په دیني منابعو کې په واضح ډول ذکر شوی دی.

 

فلسطین هغه ځای دی چې د مسلمانانو لومړی قبله پکې موقعیت لري. له بده مرغه دغه سپیڅلی ځای له کلونو راهسې دصهیونیسټ رژیم له وحشیانه حملو سره مخامخ دی او په زرګونو بې ګناه خلک پکې وژل شوی دی . د نړۍ د ټولو مسلمانانو وظيفه دا ده چې د غزې او فلسطين له خلکو سره په هره ممکنه توګه چې د نړۍ په هر ګوټ کې وي، له جهاد څخه نيولې بيا په سايبر اسپيس کې ليکنې او فعاليتونه وکړي او د فلسطيني ولس په حق کې هيڅ غفلت ونه کړي.

 

که په اوسنیو حالاتو کې د فلسطین او ولس ملاتړ ونه شي، منځنی ختیځ به له منځه لاړ شي او یهودیان به خپل اوږدمهاله اهداف ترلاسه کړي او د اسلام نوم به پاتې نه شي.

 

فلسطین به هغه وخت وژغورل شي چې ټول اسلامي هیوادونه سره متحد شي او د دې سرطاني تومورونو (امریکا او اسرائیلو) د له منځه وړلو لپاره په دقت سره پلان جوړ کړي.