په افغانستان کې د جوړ شوي موټر نوې ویډیو

په افغانستان کې جوړ شوی نوی موټر په هېواد کې د لومړي ملي موټر په توګه په کور دننه او بهر له پراخ هرکلي سره مخ شو. په افغانستان کې د انتاب شرکت اجرایوي مشر محمدرضا احمدي وايي، دوی له پنځو کلونو راهیسې د «ماډا ۹» په نوم د دغه موټر پر ډیزاین کار کړی دی. د انجن پرته نورې برخې په افغانستان کې ډیزاین او تولیدیږي. د ښاغلي احمدي په خبره، دغه موټر د قطر په دوحه کې په نړیوال نندارتون کې د نندارې لپاره چمتو شوی او په منلو سره به یې زیات تولید ته ورسېږي.