د نورستان امنیتي چارواکي وایي، چې د پاکستان استخباراتي کړۍ او نور وسله وال مخالفان د دې ولایت پر کامدیش ولسوالۍ یوځلې بیا د حملې تابیا لري.
د دې ولایت امنیه قومندان غلام الله نورستاني ازادي راډيو ته وویل؛ چې شاو خوا ۷۰۰ وسله وال چې د پاکستان "ای ایس ای" شبکه یې ملاتړ کوي حملي ته چمتو شوې دي.
د نوموړي په وینا د نورستان امنیتي ځواکونه هم د حملې د شنډولو لپاره خپلې هڅې چټکې کړی دي.
تر دې وړاندې هم څو ځلې د دولت وسله والو مخالفینو د نورستان پر کامدیش ولسوالۍ بریدونه ترسره کړي.
سرچينه : د صدای افغان خبری آژانس(آوا)
