په کابل کې پر ۵۰۰ اړمنو کورنیو باندی خوراکي توکې وویشل شوي

افغان غږ خبری آژانس - کابل: له طبیعي پیښو سره د مبارزې د ملي ادارې له خوا د طبیعي او غیر طبیعي پیښو له امله پر ۵۰۰ زیانمنو شویو کورنیو خوراکي توکي وویشل شول.
له طبیعي پېښو سره د مبارزې د ملي ادارې رئیس مولوي نورالدین ترابي د دغو خوراکي توکو د وېش پر مهال وویل، چې دغه مرستې د زیانمنو شویو لپاره دي او ویې ویل: له طبیعي پېښو سره د مبارزې ملي اداره به له پېښو سره د مبارزې په برخه کې له څېړنو وروسته د خپلو مرستو په پروګرامونو کې غوښتونکي تر پوښښ لاندې راولي. 
د هغه په ​​وينا، دغه رياست په لومړي ګام کې د پېښو د مخنيوي هڅه کوي او د پېښې له رامنځته کېدو وروسته په پړاوونو کې له قربانيانو سره نغدي او غيرې نغدي مرستې کوي.
د پېښو پر وړاندې د چمتووالي ملي ادارې مشر له نړيوالې ټولنې او نړيوالو موسسو وغوښتل، چې خپلې مرستې دې د دې رياست له لارې او يا هم په خپله په شفاف ډول ووېشي.
په همدې حال کې له طبیعي پېښو سره د مبارزې د ملي ادارې د خپرونو رئیس ملا جانان سایق د مرستې د ترلاسه کوونکو په اړه د افغان غږ خبری آژانس د خبریال د پوښتنې په ځواب کې وویل: د دغې ادارې مرستې په بېلابېلو برخو کې پر زیانمنو شویو کسانو وېشل کېږي.
د هغه په ​​وينا، په وېشل شويو خوراکي توکو کې اوړه او وريجې شاملې دي او د قزاقستان، ازبکستان او چين هېوادونو له خوا ورسره مرسته شوې ده.
له پېښو سره د مبارزې د ملي ادارې د خپرونو مشر د کابل په لوېديځ کې وروستۍ اور لګېدنې ته په اشارې سره وويل چې دغې پېښې خلکو ته له يو ميليون ډالرو زيات مالي زيان اړولى دى.
هغه له هېوادونو هم وغوښتل چې بشري مرستې دې له سیاسي مسایلو سره نه شریکوي.
ښاغلي صیاق اعلان وکړ چې په ټول هېواد کې د ترافيکي پېښو له څه باندې ۱۵۰ زره قربانیانو سره مرستې کوي او وې ویل: ځینې پېښې د هېوادوالو د بې احتیاطۍ له امله رامنځته کېږي.
د کابل ښار د لومړۍ ناحيې اوسېدونکى او د مرستو له ترلاسه کوونکو څخه شېراحمد وايي، چې دا ډول مرستې د دوى اړتياوې نه شي پوره کولى. هغه وايي چې په وړاندې يې د ژمي سړه هوا ده.
د يادونې وړ ده، چې په دغو مرستو کې يوه بورۍ اوړه او يوه بورۍ وريجې شاملې دي، چې د قزاقستان، ازبکستان او چين په استازيتوب د پېښو پر وړاندې د چمتووالي د ملي ادارې د همغږۍ او ادارې له خوا په کابل کې پر دغو ٥٠٠ کورنيو ووېشل شوې.