د ایران پر وخت د سهار په ۵ بجو (د افغانستان پر وخت ۶ بجې) د تهران د هوايي دفاع سیستم یو ځل بیا د ایران په پلازمینې باندې د صهیونیسټ رژیم د هوايي بریدونو د شنډولو لپاره فعال شو او غږ یې یو ځل بیا د تهران د خلکو د ویښیدو سبب شو. خپاره شوي انځورونه ښيي چې د تهران هوايي دفاعي سیستم د دغو بریدونو په شنډولو کې په بشپړه توګه بریالی شوی دی. خو په تهران کې د چاودنې خبر نه دی ورکړل شوی.
دخپریدو نیټه :شنبه ۵ عقرب ۱۴۰۳ ساعت ۰۷:۴۳
د مطلب کود : 299255
افغان غږ خبری آژانس - تهران: د تهران او د ایران په ځینو نورو سیمو د صهیونیسټ رژیم له دویمې حملې وروسته، د ایران د ملکی هوایی چلند ادارې ویاند تر راتلونکی خبرتیا پورې په ټولو لارو د الوتنو د لغوه کولو اعلان وکړ.
نن سهار شاوخوا ۲:۱۵ دقیقې د تهران په لویدیځ کې د څو چاودنو غږونه اوریدل شوي دي. له هغه وروسته صهیونیسټي پوځ د ایران په ځینو پوځي هدفونو د حملې اعلان وکړ.
د تهران په لوېديځ کې د څو چاودنو له اوازو او ځينو اوازو سره سره په تهران کې وضعيت عادي دى.
په همدې حال کې د ایران د هوايي دفاع د عامه اړیکو دفتر په یوې بیانیې کښې اعلان وکړ چې د تهران او دغه هیواد په شاوخوا دریو ځایونو کښې د صهیونیسټ رژيم په ځینو ځایونو د حملې لپاره د دغه هیواد د هوايي دفاع د اقداماتو ځواب ورکړی او د موضوع ابعاد تر څیړنې لاندې دي.
په تهران کې د دفاعي فعالیت سره سره، په تهران کې د کومې چاودنې یا اورلګیدنې راپور نه دی ورکړل شوی.
د عراق د مقاومت رسنیو اعلان وکړ: هغه غږونه چې د بصرې په څنډو او له ایران سره په سرحدی سیمو کښې اوریدل کیږی د دښمن د حملو په وړاندې د ایران د دفاعی ځواب نتیجه ده.
avapress.net/vdchmwnim23nwid.yjt2.html
ډیری لیدل شوي
