د فلسطین د روغتیا وزارت په غزې تړانګې کښې د صهیونیسټ رژیم په حملو کښې د شهیدانو شمیر ۴۲۶۰۳ ته رسیدلی دی.
دخپریدو نیټه :دوشنبه ۳۰ میزان ۱۴۰۳ ساعت ۱۶:۵۰
د مطلب کود : 299039
افغان غږ خبری آژانس: د فلسطین د روغتیا وزارت په غزې تړانګې کښې د تیرې اکتوبر میاشتې له اوومې نیټې راهسې د صهیونیسټی رژیم د پوځیانو په حملو کښې د شهیدانو او زخمیانو وروستۍ احصائیه خپره کړه. کال
په غزې تړانګه کې دفلسطین د روغتیا وزارت د اعلامیې له مخې د تیر کال د اکتوبر له اوومې نیټې راهسې په غزې تړانګې د اسرائیلو د پوځیانو د حملو په نتیجه کښې ۴۲ زره ۶۰۳ کسان شهیدان شوی دی .
دغه راز دفلسطین دطبی چارو دغه موسسې وویل په غزې تړانګې کښې دجنګ له پیل راهسې دصهیونیسټ رژیم دپوځ په حملو کښې د زخمیانو ټولټال شمیر 99795 تنو ته رسیدلی دی .
د فلسطین د روغتیا وزارت په غزې تړانګې کښې اعلان وکړ چې صهیونیسټی پوځیانو په تیرو ۲۴ ساعتونو کښې په غزې تړانګه کښې اووه جنایتونه او قتلونه کړی دی.
همدارنګه د غزې په تړانګه کې د فلسطین د روغتیا وزارت ویلي دي چې د غزې په تړانګه کې د اسراییلو د پوځ د تیرې شپې په بریدونو کې ۸۴ تنه شهیدان شوي او ۱۵۸ تنه ټپیان شوي دي.
د غزې د روغتیا وزارت ټینګار کړی چې یو شمېر شهیدان او ټپیان لا هم په کوڅو او سړکونو کې تر خاورو لاندې پراته دي او نیواکګر دوی ته د مرستو رسولو مخه نیسي.
د غزې تړانګې په شمال کښې په بیت لحیه کښې د یرغلګرو په قتل عام کښې ۸۷ تنه شهیدان او تر خاورو لاندې لادرکه شوی او له څلویښتو زیات کسان ژوبل شوی هم دی چې ځینې یې سخت ژوبل شوی دی.
avapress.net/vdchxwniw23nwvd.yjt2.html
ډیری لیدل شوي
