د هرات ښاروالۍ وايي، په دغه ښار کې د ۴۲ میلیونه افغانیو په لګښت د ۲،۶ کیلومتره سړک د پخولو کار پیل شوی دی.
دخپریدو نیټه :دوشنبه ۳۰ میزان ۱۴۰۳ ساعت ۰۹:۴۴
د مطلب کود : 298978
افغان غږ خبری آژانس - هرات: د هرات ولایت د ښاروالۍ په وینا، په دې پروژه کې د هرات ښار د جبریل تر پله پورې د ټانک مولوی سړک دویم لین غځول شامل دی.
د خبرپاڼې د معلوماتو له مخې، د دغه سړک لګښت چې ټاکل شوې د ۱۰،۵ مترو په اوږدوالي سره جوړ شي، د هرات ښاروالۍ له پراختیايي بودیجې څخه ورکول کېږي.
د هرات ښاروال ملا نعمت الله حسن د دې پروژې د پرانستلو په مراسمو کې وويل چې د دې پروژې په بشپړېدو سره به له يوې خوا د ترافيکو ګڼه ګوڼه کمه شي او له بلې خوا به د هرات ښار اوسېدونکو ته ډېرې اسانتياوې برابرې شي. .
په پام کې ده چې په هرات ښار کې د جبریل تر پله پورې د مولوي ټانک سړک د جوړولو چارې په راتلونکو دریو میاشتو کې بشپړې او ګټې اخیستنې ته وسپارل شي.
په همدې حال کې د هېواد په ټولو ولایتونو کې د پرمختیايي پروژو د تطبیق بهیر روان دی.
د يادونې وړ ده، چې بندر اسلام کلا او د هرات درې لوېديځې ولسوالۍ له همدې لارې له هرات ښار سره نښلول کېږي.
avapress.net/vdciyvarvt1a332.k6ct.html
ډیری لیدل شوي
