د پاکستان وفاقي حکومت د یکشنبې په ورځ اعلان وکړ چې د پښتون ژغورنې غورځنګ یې د منع شوي سازمان په لست کې شامل کړی او په هېواد کې یې پر فعالیتونو بندیز لګولی دی.
دخپریدو نیټه :يکشنبه ۱۵ میزان ۱۴۰۳ ساعت ۲۰:۳۱
د مطلب کود : 298098
افغان غږ خبری آژانس: د افغانستان فدرالي حکومت د یکشنبې په ورځ (میزان ۱۵) د پښتون ژغورنې غورځنګ د منع شوي سازمان په لست کې شامل کړ او په هېواد کې یې پر فعالیتونو بندیز ولګاوه.
وفاقي حکومت په یوه بیان کې ویلي چې د غورځنګ فعالیتونه په پاکستان کې د سولې او امنیت پر ضد دي.
په بیان کې ویل شوي، "وفاقي حکومت په دې باور دی چې د پښتون ژغورنې غورځنګ په ځینو فعالیتونو کې لاس لري چې د هیواد د سولې او امنیت خلاف دي."
د پاکستان وفاقي حکومت د ترهګرۍ ضد قانون د ۱۱مې مادې له مخې د پښتون ژغورنې غورځنګ د ممنوع الخروج سازمان په نوملړ کې د فعالیت د بندولو پرېکړه کړې ده.
د پښتون ژغورنې غورځنګ په پاکستان کې د پښتنو د حقونو یوه مخکښه ډله ده چې په ځلونو یې د پاکستاني پوځ له خوا د تبعیض او غیر قانوني چلند پر ضد احتجاجونه کړي دي.
دغه غورځنګ د پاکستان پوځ د بشري حقونو په سرغړونو لکه په قبایلي سیمو کې د پښتنو په "غیر قانوني وژنو" او "جبري ورکولو" کې په لاس لرلو تورن کړی دی.
په همدې حال کې د پاکستان پوځي چارواکو ویلي چې د عمران خان د پلویانو په یوه لاریون کې یې د ۱۲۰ افغانانو په ګډون تر ۵۰۰ ډېر کسان نیولي دي.
avapress.net/vdcb9wb5wrhb9gp.q3ur.html
ډیری لیدل شوي
