افغان غږ خبری آژانس: د اوکراین ولسمشر اعلان کړی، چې د روسیې د بریدونو په دویمه ورځ ۸۱ بې پیلوټه الوتکې او ۱۰ کروز او بالستیک توغندی کارول شوی، چې له امله یې ۴ تنه وژل شوی او ۱۶ نور ټپیان شوی دی.
ویل کېږي چې د مسکو په نویو بریدونو کې د اوکراین لږ تر لږه ۱۵ بېلابېل ولایتونه په نښه شوي. د روسي سرچینو په وینا، په دغو بریدونو کې مسکو د اوکراین په بېلابېلو ولایتونو کې د دغه هېواد د پوځ اړوند د انرژۍ بنسټونه په نښه کړي دي.
په همدې حال کې د روسیې د دفاع وزارت اعلان وکړ چې د دغه هېواد پوځ د اوکراین له پوځ سره د نښتو په ترڅ کې د دونیتسک د «اورلیوکا» کلي تر خپل کنټرول لاندې راوستي دي.
د کرسک په سرحدي سیمه کې د روسیې په خاوره کې د اوکراین د پوځ له شتون سره سره، په هیواد کې دننه د اوکراین پر پوستو د روسیې پوځي بریدونه دوام لري.
تر دې مخکې د روسیې د وسله والو ځواکونو د سیاسي-پوځي څانګې مرستیال اعلان کړی و چې پوځ توانېدلی د کرسک په سیمه کې دوه نور ښارګوټي د اوکراین له منګولو ازاد کړي.