د اسلامي امارت سیاسي کمیسیون په خپله وروستۍ غونډه کې چې پرون ماښام ترسره شوه له ټولو ګاونډیو هیوادونو سره په ښو اړیکو ټینګار وکړ.
دخپریدو نیټه :دوشنبه ۵ سنبله ۱۴۰۳ ساعت ۱۵:۲۴
د مطلب کود : 295928
افغان غږ خبری آژانس - کابل: د اسلامي امارت سیاسي کمیسیون په خپله وروستۍ ناسته کې چې پرون ماښام ترسره شوه، له ټولو ګاونډیو هېوادونو سره د ښو اړیکو پر لرلو ټینګار وکړ.
د ارګ پاڼې په X ټولنیزه شبکه کې د اسلامي امارت د سیاسي کمیسیون د غونډې انځورونه خپاره کړي او لیکلي یې دي چې په دې غونډه کې د افغانستان او سیمې حالات او پرمختګونه وارزول شول.
یاده غونډه د اسلامي امارت د لومړي وزیر سیاسي مرستیال مولوي عبدالکبیر تر مشرۍ لاندې په سپیدار ماڼۍ کې ترسره شوه.
په دې غونډه کې د بهرنیو چارو د وزیر امیرخان مطیع او د کورنیو چارو د وزیر ورور انس حقاني په ګډون د اسلامي امارت لوړ پوړو چارواکو هم حضور درلود.
د دغه کمیسیون په اعلامیه کې راغلي چې د افغانستان اسلامي امارت د متقابل احترام او ښه ګاونډیتوب د اصولو په رعایت سره د یوه خپلواک هیواد په توګه له ټولو ګاونډیو هیوادونو سره ښې اړیکې غواړي.
avapress.com/vdcaumnua49noo1.hxk4.html
ډیری لیدل شوي
