د بدخشان پوهنتون له خوا د افغانستان د سیاحتي ځایونو د ملي کنفرانس جوړول

افغان غږ خبری آژانس - کابل: د بدخشان پوهنتون د لوړو زده کړو وزارت په همغږۍ د افغانستان د سیاحتی ځایونو په اړه ملی کنفرانس جوړ کړ چې په هیواد کې د ګرځندوی صنعت او سیاحت پر اهمیت بحث وکړی.

د دغه کنفرانس د پرانېستې په مراسمو کې د لومړي وزير اداري مرستيال عبدالسلام حنفي، د لوړو زده کړو وزير ندا محمد نديم، د اقتصاد وزير دين محمد حنيف او يو شمېر دولتي چارواکو او علمي او فرهنګي شخصيتونو ګډون کړى و.

د باختر آژانس د خبرله مخې: ټاکل شوې ده چې په دې درې ورځني کنفرانس کې د پوهنتون د استادانو له خوا د ګرځندوى د صنعت او د سيلانيزو ځايونو په اړه ٣٩ علمي مقالې وړاندې شي.