د فارس خلیج د ملي ورځې په مناسبت د ایران د نوې جنګي بیړۍ پرانستل

د ثور له لسمې نیټه د ایران په اسلامی جمهوریت کښې د فارس خلیج د ملی ورځې په مناسبت د اسلامی انقلاب قول اردو په بوشهر کښې د بهرنیو رسنیو د کمرو په وړاندې خپله نوې جنګی بیړۍ نندارې ته وړاندې کړه. د "شهید حسن بقری" په نوم دغه جنګی بیړۍ د فارس خلیج په اوبو کښې د یو لړ مراسمو کښې په داسې حال کښې پرانستل شوه چې د بوشهر ایټمی بټۍ یې شاته ښکاریده. د ایران د سپاه پاسداران ځواک قوماندانان او د ایران د بوشهر ولایت سیمه ایزو چارواکو د فارس خلیج په اوبو کښې د دغه هیواد د ځواکمن شتون د دغه هیواد د خلکو او د فارس خلیج د هیوادونو لپاره د سولې او امنیت پیغام وباله. د ایران د دښمنانو په وړاندې د واک پیغام، او د امنیتي ګواښونو سره هر ډول مقابلې ته چمتووالی وښوده.

افغان غږ خبری آژانس: دغه جنګي بېړۍ چې د تېر کال د ایران د اسلامي انقلابي ګارډ له قول اردو سره یوځای شوې، یوه سمندري بېړۍ ده چې له ډېرو توغندیو سره د برید کولو او دفاعي سیسټم لري.

دغه جنګي بېړۍ په «نواب» عمودي لانچر توغندي دفاعي سیسټم او «صیاد» کروز توغندي چې ۷۰۰ کیلومتره واټن وهي سمباله ده او د 3 سپکو توغندیو لانچرونو او یوه وسله والې جنګي چورلکې د وړلو وړتیا هم لري.

دغه بېړۍ ۶۷ متره اوږدوالی او ۲۰ متره سور لري او ۶۰۰ ټنه وزن لري چې ۴ ماشینونه لري.

د "شهید باقري" بیړۍ په بوشهر کې په ځانګړي مرکز کې جوړه شوې او د 5,500 سمندري مایل (9,500 کیلومتره) مزل کولو وړتیا لري.

له دې مخکې د ایران د سپاه پاسداران د سمندري ځواکونو قوماندان په یوه ټلویزیوني مرکه کې ویلي و، چې ایران د لومړي ځل لپاره د شهید سید شیرازي او شهید حسن باقري په نومونو له المونیم څخه جوړه شوې ۶۸ متره اوږده کښتۍ ډیزاین او جوړه کړې ده په دې توګه، دا د امریکا او استرالیا وروسته په نړۍ کې دریم ځای لري.

په دې راپور کې د بوشهر بندر، د هغه د اټومي ځواکونو او همدارنګه د فارس خلیج د ملي ورځې د کنفرانس انځورونه د دې سمندر په اوبو کې ښودل شوي دي.

د فارس خلیج د لویدیځې اسیا او منځني ختیځ په سیمه کې د اوبو د یوې مهمې لارې نوم دی چې د عمان بحیرې او د ایران او عربي ټاپووزمې تر منځ موقعیت لري او د مکسیکو له خلیج څخه وروسته په نړۍ کې دریم لوی خلیج ګڼل کیږي. د هډسن خلیج

په اسلامي جمهوریت کې د تاریخ پوهانو او د تاریخي او نړیوالو اسنادو او شواهدو پر بنسټ، د دې خلیج تاریخي نوم، په مختلفو ژبو کې، د فارس خلیج یا فارس بحیرې ژباړه وه. همدارنګه په ټولو نړیوالو سازمانونو کې د دې خلیج رسمي نوم "فارس خلیج" دی. د هایدروګرافیک نړیوال سازمان د دې خلیج لپاره د ایران خلیج (فارس خلیج) نوم کاروي.