اوچا: په افغانستان کې وروستیو اورښتونو ستر مالي زیانونه اړولي دي

افغان غږ خبری آژانس - کابل: د اوچا د راپور له مخې، د هېواد په اوو ولایتونو کې د شپږو پلونو او ۴۵۰ کیلومتره سړکونو په ګډون مهم بنسټونه ویجاړ شوی دی.

 

دغه سازمان زیاته کړې، چې د لومړنیو راپورونو او ارزونو پر بنسټ، سختو اورښتونو په شمال کې فاریاب، په ختیځ کې ننګرهار او د مرکزي لوړو سیمو د دایکندي په ولایتونو کې تر ټولو زیات زیانونه اړولي دي.

 

اوچا وویل چې په سختو بارانونو کې چې د مارچ په 21 او 26-27 کې وشول اوه تنه مړه او 384 کورنۍ ټپیانې شوې.

 

تر دې مخکې په فاریاب کې سیمه ییزو چارواکو په دغه ولایت کې د سېلابونو او سختو بارانونو له امله د څلورو کسانو د وژل کېدو خبر ورکړی و.