بادغیس کې د واورو له امله ۶۰۰ څاروي له منځه تللي

افغان غږ خبری آژانس - کابل: په بادغیس ولایت کې سیمه ییزې سرچینې وایی چې په دغه ولایت کې د سختې واورې اورښت او سړې هوا له امله شاوخوا ۶۰۰ څاروی له منځه تللی دی.

 

سرچينې د چهارشنبې په ورځ (حوت ٩) خبر ورکړ چې دغه شمېر څاروي د دغه ولايت په تکاب عالم ولسوالۍ کې لمنځه تللی دي.

 

د سرچینې په وینا، د زیاتې واورې د اورښت او د باغیس په لرې پرتو ولسوالیو کې د خلکو له سختو حالاتو سره سم، اسلامي امارت بیړنۍ غونډه وکړه او له مرستندویه ادارو یې د مرستې غوښتنه وکړه.

 

د سرچينې د معلوماتو له مخې، په دغه ولايت کې د واورې اورښت دوام لري.

 

دا په داسې حال کې ده، چې له څو ورځو راهيسې د دې ولايت له مرکز سره د ولسواليو ډېرى ترانسپورتي لارې د واورې ورېدو له امله د ترافيکو پر مخ تړل شوې دي.