صهیونیسټانو د لبنان په جنوب کښې په سیمو حملې وکړې

افغان غږ خبری آژانس: المنار چینل خبر ورکړی، چې صهیونیسټی پوځیانو د لبنان په جنوب کښې د «النقورة» ختیځ ښارګوټی په توپخانې حملې سره په نښه کړل.

د دغه رپوټ له مخې له دغو حملو سره په یو وخت د «اپر گیلیل» په سیمه کښې د صهیونیسټانو په څو سیمو کښې د خطر زنګونه اوریدل شوي دي.

ځینو خبري سرچینو له لبنان څخه ګیلیل ته د څو بې پیلوټه الوتکو د ننوتلو خبر ورکړی دی.

خبري سرچینو دا هم راپور ورکړی چې په لویدیځ ګیلیل کې موقعیت لرونکي "شلومي" کې د الارم سایرن غږ شوی.

دصهیونیسټ رژیم رسنیو په دې لړ کښې اعلان وکړ چې له لبنان څخه د «بارکان» توغندی په شلمی ښارګوټی لګیدلی دی.

المیادین شبکې هم راپور ورکړی چې له لبنان څخه په شلومی ښار کښې د صهیونیسټ رژیم د پوځی اډې په لور څو توغندی توغول شوی دی .

دغې شبکې همداراز خبر ورکړی چې د لبنان د حزب الله له خوا لږ تر لږه درې بورقان راکټونه د جل العام پر پوځي اډې توغول شوي دي.

خبري سرچینو د هغه شیبې عکسونه هم خپاره کړي چې د مقاومت توغندي په شلومي کې ولګیدل.

د لبنان په جنوب کښې په سیمو باندې د صهیونیسټ رژیم حملې او په ګیلیل کښې د خطر زنګونه اوریدل
د اکتوبر په اوومه د غزې په تړانګه د غاصب رژیم له یرغل یوه ورځ وروسته، د لبنان حزب الله د مقاومت په محور کې لومړنی ګوند و چې د اشغال شوی فلسطین په شمال کې یې د بریدونو په ترسره کولو سره په رسمی توګه د الاقصی طوفان په عملیاتو کې ګډون وکړ. د لبنان په پولو او د فلسطین په نیواک شویو سیمو کښې د لبنان د حزب الله او صهیونیسټی پوځیانو ترمینځ هره ورځ او څه د پاسه ۲۴ ساعته ډزې تبادله کیږی.

عبراني رسنیو خبر ورکړی، چې د الاقصی د جګړې له پیله او د لبنان له جنوب څخه د راکټونو د ویشتلو له امله، د صهیونیسټي رژیم یوشمیر افسران او پوځیان وژل شوي او د هغوی په لسګونو پوځي اډې د حزب الله له خوا په نښه شوي دي. د بنیامین نتانیاهو بنسټپاله کابینه د شمال څخه د زرګونو میشتو سیمو ایستلو ته اړ شوه، فلسطین اشغال شو او یو شمیر میشت ځایونه پخپله له سیمې وتښتیدل.

په دې وروستیو کې عبراني رسنیو څرګنده کړه چې دغه صهیونیسټان خپلو کورونو ته ستنیدو ته زړه نه ښه کوي او وايي چې د نتانیاهو کابینې د دوی برخلیک ته پام نه دی کړی او دوی یې پریښي دي.

د لبنان د حزب الله عمومی منشی سید حسن نصرالله هم په خپله وروستۍ وینا کښې وویل: هغوی مونږ ته د غزې په شمال کښې د ستړیو، ماتې خوړلو او وېرېدونکو لواګانو ګواښونه کوی. موږ تاسو ته وایو چې تاسو ډیر ښه راغلاست یاست. هغه څوک چې باید له جګړې څخه ویره ولري اسراییل او د هغې کابینه او میشته کونکي دي. "د ۹۹ ورځو لپاره موږ جګړې ته چمتو یو او نه وېرېږو او له محدودیت او شرایطو پرته جګړه کوو."