اوچا په افغانستان کې د سختې وچکالۍ په اړه خبرداری ورکړ

افغان غږ خبری آژانس - کابل: اوچا پرون (سه شنبه، د دلوي ۳مه) په ایکس چینل کې لیکلي چې په افغانستان کې تر اوسه ژمی خورا وچ او ګرم دی.

اوچا وويل، چې په نږدې راتلونکي کې د پام وړ واورې له ورېدو پرته ښايي افغانستان له سختې وچکالۍ سره مخ شي، چې د کرنې، موسمي حاصلاتو، واورو او د خلکو بې ځايه کېدل به اغېزمن کړي.

سږ کال د هېواد په ډېرو ولایتونو کې واوره او باران نه دی شوی.

په دې ورځو کې په ځینو ولایتونو کې خلکو د لمانځه لپاره غونډې کړې دي.

افغانستان له څو کلونو راهیسې له وچکالۍ سره مخ دی.

تر دې مخکې د ملګرو ملتونو د خوړو او کرنې سازمان (FAO) ویلي وو چې د وچکالۍ تکرار د افغان بزګرانو اصلي اندېښنه ده.

د دغه سازمان په وینا په افغانستان کې د کرنې وړ مساحت کم شوی دی.

FAO وویل چې ۷۰ سلنه هغه کروندګر چې له دوه هکتاره څخه ډیر کرل شوي د کښت په ساحه کې د کموالي راپور ورکړی، پداسې حال کې چې د یو هکتار څخه کم کروندګرو په مینځ کې، 63 سلنه د کښت په ساحه کې د کموالي راپور ورکړی.

د يادونې وړ ده، چې د افغانستان د نفوس ډېره برخه په کرنه او مالدارۍ بوخته ده او له همدې لارې خپل ژوند تېروي.