په ننګرهار کې روغتيايي چارواکي وايي، په روان کال کې ۲۷۷ تنه په ايډز (HIV) اخته شوي چې د تېر کال په پرتله زياتوالی ښيي.
دخپریدو نیټه :جمعه ۲۴ قوس ۱۴۰۲ ساعت ۱۶:۳۴
د مطلب کود : 282257
افغان غږ خبری آژانس - کابل: د ننګرهار د عامې روغتیا ریاست د ساري ناروغیو د کنټرول او ځواب ویلو مسوول ډاکټر عبدالرشید وفا د پنجشنبې په ورځ «قوس ۲۳» په یوه غونډه کې وویل چې د ایدز د ناروغانو شمیر په دغه هیواد کې د تېر کال په پرتله زیاتوالی راغلی او په پایله کې یې یو تن هم مړ شوی دی.
د هغه په وينا، په دغو ناروغانو کې ١٧٤ نارينه او ١٠٣ يې ښځې دي.
نوموړي وویل، تېر کال ۲۵۰ کسان په دې ناروغۍ اخته شوي وو.
ایډز د اچ آی وي ویروس لخوا لیږدول کیږي. دا ویروس د بدن معافیتي حجرې دومره کمزورې کوي چې نور نشي کولی د کوچنیو ناروغیو سره مبارزه وکړي.
avapress.net/vdcbs5b5zrhbw5p.q3ur.html
ټګونه
ډیری لیدل شوي
