په دغه ښار کې د هوا د ککړتیا د زیاتوالي په اړه د یو شمېر کابل ښاریانو له شکایتونو وروسته، د چاپېریال ساتنې او څارنې ادارې مسوولین وايي، د ټولو لوړو ودانیو، تشنابونو او تولیدي شرکتونو د تودوخې سیسټم یې د لوګي پاکولو په وسایلو سمبال کړی دی.
دخپریدو نیټه :يکشنبه ۱۹ قوس ۱۴۰۲ ساعت ۱۵:۱۵
د مطلب کود : 281933
افغان غږ خبری آژانس - کابل: د کابل یو شمېر اوسېدونکي په ښار کې د هوا د ککړتیا له زیاتوالي شکایت کوي او وايي چې کابل ښار نور دغه هوا نه شي زغملی. دوی د چاپېریال ساتنې له ریاست څخه غوښتنه کوي چې په پلازمېنه کې د هوا د ککړتیا د کمولو لپاره هڅې وکړي.
د کابل اوسېدونکی رحمت امیني افغان غږ خبری آژانس ته وویل: "له څو ورځو راهیسې چې سهار او یا هم شپه له کوره ووځو، د سړک په لیدو کې ستونزه لرم. په دې وخت کې هوا ډېره ککړه او د زغم وړ نه ده."
د کابل د لوېديځ يوه اوسېدونکي عزيزالله وايي، چې د کابل هوا د پخوا په پرتله ډېره ککړه شوې ده. هغه زياته کړه، چې د خلکو له خوا د کورونو د تودوخې لپاره د ډبرو سکرو او لرګيو کارول په پلازمېنه کې د هوا د ککړتيا د ډېرېدو اصلي لامل دى.
هغه دا هم وايي؛ د ځینو خلکو لپاره چې د مایع ګاز او بریښنا کارولو امکان لري، دوی باید د خپلو کورونو د تودوخې لپاره د سکرو او لرګیو کارولو پرځای مایع ګاز او بریښنا وکاروي.
په همدې حال کې د چاپېریال ساتنې او څارنې ادارې رئیس بصیر امین د وږي په ۱۹مه د افغان غږ خبری آژانس خبریال ته وویل چې د دوی پلټونکي ټیمونه له کابل ښاروالۍ او کورنیو چارو وزارت سره په همغږۍ د کابل ښار په بېلابېلو برخو کې د هوا د ککړتیا د زیاتوالي په اړه څېړنې کوي.
ښاغلي امین څرګنده کړه چې د هستوګنې او لوړ پوړو ودانیو مسوولین مکلف دي چې د هوا د ککړتیا د مخنیوي په خاطر خپل د تودوخې سیسټمونه د فلټر په وسایلو سمبال کړي.
امين وويل، چې د کابل ښار د هوا د ککړتيا د مخنيوي په موخه يې په ګڼ مېشتو سيمو، لوړو ودانيو او استوګنځايونو کې له ٢٠٠٠ څخه زياتې پاڼې وېشلي دي.
د يادونې وړ ده، چې هر کال د سړې موسم په رانږدې کېدو او د خلکو له خوا د خپلو کورونو د ګرمولو لپاره د ډبرو سکرو او لرګيو د زياتې کارونې له امله د کابل ښار د هوا ککړتيا زياتېږي.
د کابل اوسېدونکی رحمت امیني افغان غږ خبری آژانس ته وویل: "له څو ورځو راهیسې چې سهار او یا هم شپه له کوره ووځو، د سړک په لیدو کې ستونزه لرم. په دې وخت کې هوا ډېره ککړه او د زغم وړ نه ده."
د کابل د لوېديځ يوه اوسېدونکي عزيزالله وايي، چې د کابل هوا د پخوا په پرتله ډېره ککړه شوې ده. هغه زياته کړه، چې د خلکو له خوا د کورونو د تودوخې لپاره د ډبرو سکرو او لرګيو کارول په پلازمېنه کې د هوا د ککړتيا د ډېرېدو اصلي لامل دى.
هغه دا هم وايي؛ د ځینو خلکو لپاره چې د مایع ګاز او بریښنا کارولو امکان لري، دوی باید د خپلو کورونو د تودوخې لپاره د سکرو او لرګیو کارولو پرځای مایع ګاز او بریښنا وکاروي.
په همدې حال کې د چاپېریال ساتنې او څارنې ادارې رئیس بصیر امین د وږي په ۱۹مه د افغان غږ خبری آژانس خبریال ته وویل چې د دوی پلټونکي ټیمونه له کابل ښاروالۍ او کورنیو چارو وزارت سره په همغږۍ د کابل ښار په بېلابېلو برخو کې د هوا د ککړتیا د زیاتوالي په اړه څېړنې کوي.
ښاغلي امین څرګنده کړه چې د هستوګنې او لوړ پوړو ودانیو مسوولین مکلف دي چې د هوا د ککړتیا د مخنیوي په خاطر خپل د تودوخې سیسټمونه د فلټر په وسایلو سمبال کړي.
امين وويل، چې د کابل ښار د هوا د ککړتيا د مخنيوي په موخه يې په ګڼ مېشتو سيمو، لوړو ودانيو او استوګنځايونو کې له ٢٠٠٠ څخه زياتې پاڼې وېشلي دي.
د يادونې وړ ده، چې هر کال د سړې موسم په رانږدې کېدو او د خلکو له خوا د خپلو کورونو د ګرمولو لپاره د ډبرو سکرو او لرګيو د زياتې کارونې له امله د کابل ښار د هوا ککړتيا زياتېږي.
avapress.net/vdcbf8b5frhbw9p.q3ur.html
ټګونه
ډیری لیدل شوي
