د کانونو او پټرولیم وزارت چارواکي وايي، په کندهار ولایت کې د څه باندې سل میلیونه ډالرو په پانګونې سره د مالګې د سمنټو د فابریکې د جوړولو چارې په چټکۍ سره روانې دي.
دخپریدو نیټه :جمعه ۱۰ قوس ۱۴۰۲ ساعت ۱۴:۰۵
د مطلب کود : 281384
افغان غږ خبری آژانس - کابل: د کانونو او پټرولیم وزارت د چارواکو په وینا، د څه باندې سل میلیونه ډالرو په لګښت په سل جریبه ځمکه کې په کندهار ولایت کې د سمنټو فابریکې د جوړېدو چارې پیل شوې.
د کانونو او پټروليم وزارت د رسنيو دفتر د باختر آژانس خبريال ته وويل: د لومړي پړاو له فعاليدو وروسته به ياده شوې فابريکه د ورځې د ١٥٠٠ ټنو او په راتلونکو کلونو کې د پنځه زره ټنه سمنټو د توليد ظرفيت ولري.
د کانونو وزارت د چارواکو په وینا، د دې فابریکې په پرانېستلو سره به څه باندې پنځه زره کسانو ته د کار زمینه برابره شي او دغه راز به د عوایدو په زیاتوالي، د کار پیدا کولو، د ملي اقتصاد په پیاوړتیا او د سمنټو د راټیټولو په برخه کې اغېزمن تمام شي.
د کانونو او پټرولیم وزارت چارواکو هم ویلي، چې د جبل السراج او هرات د سمنټو پروژې هم په قرارداد ورکړل شوې، چې دا مهال د اکتشاف په پړاو کې دي.
avapress.net/vdcbw8b5arhbwfp.q3ur.html
ټګونه
ډیری لیدل شوي
