د ستندرد ادارې ایران ته د ۲۴ ټیټ کیفیت تېلو ټانکرونو د راستنیدو اعلان وکړ

افغان غږ خبری آژانس: نن پنجشنبه (قوس ۹) د افغانستان د نورم او سټنډرډ ادارې په ایکس چینل کې په یوه لیکنه کې لیکلي چې دغه ټانکرونه د «۷۸ میلک فراه بندر» له لارې ایران ته راستانه شوي دي.

په دې وروستیو ورځو کې د افغانستان د معیارونو ادارې ایران ته د ټیټ کیفیت د تېلو د لېږد رالېږد زیات کړی دی.

دغې ادارې دوه ورځې وړاندې ایران ته د تېلو د ټیټ کیفیت ۱۲ ټانکرونو د ستنېدو اعلان وکړ او یوه ورځ وړاندې یې وویل چې دغه هېواد ته د تېلو ۴۳ ټیټ کیفیت لرونکي تېل لېږدول شوي دي.

تر دې مخکې په هرات کې د ایران قونسل جنرال ویلي وو چې په دې برخه کې به یو ګډ میکانیزم جوړ کړي.

باید وویل شي، چې تر دې وړاندې په کابل کې د ایران ځانګړي استازي او سفیر حسن کاظمي قمي په یوه خبري غونډه کې ایران ته د ټیټ کیفیت د تیلو د ټانکرونو د را واردولو په اړه د افغان غږ خبری آژانس خبریال د پوښتنې په ځواب کې ویلي وو، چې کوم ټیټ کیفیت تیل چې له ایران څخه صادرېږي، موږ یې په کلکه ردوو، ځکه له نورو هېوادونو واردېږي او د ایران له پولو تېرېږي او معیاري نه وي، له موږ سره هېڅ تړاو نه لري.