"بلال کریمي" په چین کې د اسلامي امارت د سفیر په توګه ټاکل شوی دی

افغان غږ خبری آژانس - کابل: ځینو سرچینو په هیواد کې د اسلامی امارت د سفیر په توګه د بلال کریمی ټاکل کیدل تایید کړی دی.

 

په ۲۰۲۱ کال کې په افغانستان کې د جمهوري ریاست له سقوط او د اسلامي امارت له تاسیس وروسته دا لومړی ځل دی چې اسلامي امارت خپل رسمي سفیر چین هیواد ته استوي.

 

دا په داسې حال کې ده، چې تر اوسه هېڅ هېواد په رسمي توګه اسلامي دولت نه دی پېژندلی.

 

تر دې مهاله په بېلابېلو هېوادونو کې د افغانستان سیاسي نمایندګۍ د جمهوري ریاست په دوره کې د معرفي شویو سفیرانو او یا هم د اسلامي امارت له خوا د معرفي شویو سرپرستانو له خوا اداره کېږي.