په بامیان کې یوه لارۍ له غره سره ټکر شوی چی درې تنه مړه او ټپيان شوی

افغان غږ خبری آژانس‌- بامیان: د بامیان ولایت په شیبر ولسوالۍ کې د یوه لارۍ موټر له غره سره د ټکر له امله دوه تنه مړه او یو بل ټپي شوی دی.

 

د اسلامي امارت امنیه قومندانۍ نه په رارسیدلي خبر کې ویل شوي، چې دغه پیښه نن ماسپښین شاوخوا ۱ بجه د شیبر ولسوالۍ اړوند د «کلو» په کلي کې رامنځته شوه.

 

ويل کيږي چې په دې پيښه کې يوه لارۍ د سړک په غاړه له غره سره ټکر وکړ.

 

د باميانو ولايت پوليسو د دغې پيښې د علت په باب څه ونه ويل.

 

بې احتياطي، د ترافيکي قوانينو نه مراعت او د سړکونو خرابوالى په هېواد کې د ترافيکي پېښو اصلي لاملونه بلل کېږي.

 

په هېواد کې ترافيکي پېښې هر کال لسګونه کسان وژني او لسګونه نور ټپيان او معيوبوي.

 

تېره ورځ د هلمند په ګرمسېر ولسوالۍ کې د یوه موټر د چپه کېدو له امله د درېیو ماشومانو په ګډون د یوې کورنۍ شپږ غړي مړه شول.